'उपभोग्य स्त्री म्हणून आयटम साँग करणार नाही'

'उपभोग्य स्त्री म्हणून आयटम साँग करणार नाही':  राधिका आपटे 

          

  मुंबई : चांगल्या विषयांच्या चित्रपटांमध्ये काम करण्यासाठी प्रसिद्ध असलेली, मराठी आणि बॉलिवूडमधील मराठमोळी अभिनेत्री राधिका आपटे हिनं आयटम सॉंगबद्दल आपलं मत व्यक्त केलं आहे.

ज्या गाण्यांत स्त्रीला उपभोगाची वस्तु असल्यासारखे दाखवलं जातं, अशा गाण्यांत आपण आयटम गर्ल म्हणून काम करणार नाही, असं राधिकानं स्पष्ट केलंय. 

बॉलिवूडमध्ये आयटम सॉंग करण्याची इच्छा आहे का? या प्रश्नावर बोलताना राधिका म्हणते, 'आयटम सॉंगमध्ये नक्की काय आहे? यावर माझा निर्णय अवलंबून असेल. जर गाण्यातील दृष्यांत कमी कपडे घालून स्त्री फक्त उपभोगाची वस्तू असल्याचं दाखवण्यात येणार असेल तर, ते मी करणार नाही...'

फिल्म इंडस्ट्रीत अभिनेत्रींपेक्षा अभिनेत्यांना जास्त मानधन मिळते, याबद्दल राधिकानं रोष व्यक्त केलाय. जर अभिनेता आणि अभिनेत्री समान मेहनत करत असतील तर त्यांना मिळणारं मानधनही समान असावं, असं मत राधिकाने व्यक्त केलंय.